14.12

Закон за Личен доход

Со примена од 01.01.2019 законодавецот предвидува примена на 

Прогресивни даночни стапки од 10 и 18%, за следните видови на приходи:

За доходот од работа, доходот од самостојна дејност, доходот од авторски и сродни права и доходот од продажба на сопствени земјоделски производи, и

Единствена стапка од 15% за: 

За доходот од права од индустриска сопственост, доходот од закуп и подзакуп, доходот од капитал, капиталните добивки, добивките од игри на среќа, доходот од осигурување и друг доход,

ПЛАЌАЊЕ НА ДАНОКОТ НА ЛИЧЕН ДОХОД 

ГОДИШНО

Со членот 2 од предлог Законот е пропишано дека данокот на личен доход ќе се плаќа годишно на збирот на доходот од сите извори, освен на доходот што е изземен од оданочување со овој закон. 

АКОНТАЦИЈА

Ааконтација на данокот на доход по одбивка се пресметува и плаќа за следните видови доход:

1) доход од работа;

2) доход од авторски и сродни права;

3) доход од продажба на сопствени земјоделски производи, ако исплатувачот на  доходот води деловни книги;

4) доход од закуп и подзакуп, ако исплатувачот на доходот води деловни книги;

5) доход од индустриска сопственост;

6) доход од капитал;

7) добивките од игри на среќа

8) доход од осигурување и

9) друг доход, ако исплатувачот на доходот води деловни книги.

Аконтацијата се плаќа по поднесена електронска пресметка од:

  • исплатувач (преку е‐ПДД),
  • физичко лице или
  • врз основа на решение на органот за јавни приходи.

Износот на платениот данок аконтативно се одбива од пресметаниот годишен данок на доход.

 

За кои видови доход пресметаниот и платениот данок се смета за конечно намирена обврска?

Платена аконтацијата на данокот на доход од:

  • закуп и подзакуп (ако исплатувачот на доходот води деловни книги),
  • права од индустриска сопственост,
  • капитал,
  • игри на среќа,
  • осигурување и
  • друг доход

пресметана на соодветно утврдена даночна основа со примена на единствена стапка од 15% е конечно намирена обврска.

продолжува...